Ashtu si vendet e rajonit edhe Shqipëria pritet të aplikojë regjimin e burgut të hapur. Zv/drejtori i burgjeve Femi Sufaj, në një intervistë për Tv Klan thotë se në ndryshimet ligjore është përcaktuar që përfitues të jenë të burgosurit që u ka mbetur për të kryer deri në 1 vit burg.
Regjimi i burgut të hapur u jep mundësi të dënuarve që të dalin jashtë ambientit të vuajtjes së dënimit për të punuar, shkolluar apo për të ndjekur një kurs profesional.
“Ky institucion së pari është i hapur nga ana fizike, që dmth nuk ka shumë mure rrethuese, nuk ka shumë mbikqyrje, nuk ka shumë punonjës policie, por është i hapur edhe nga aspekti që i burgosuri mund të vizitohet edhe nga qytetarë, i burgosuri mund të përfshihet edhe në punë në komunitet, me kohë të pjeshme gjatë ditës, mund të përfshihet edhe në kurs dhe mund të ndjekë një universitet apo shkollë.”
Siaps zv/drejtorit të burgjeve qëllimi i këtij regjimi është riintegrimi i të dënuarve në shoqëri.
“Nëse një i burgosur i kanë mbetur për të vujatur më pak se 6 muaj dhe nga vlerësimi i faktorëve të riskut rezulton me rrezikshmëri të ulët, ka sjellje pozitive, është përfshirë në programet rehabilituese stafi i sigurisë së burgut e vendos atë person në burgun e hapur. Biznesit i vijnë në punë, kjo fuqi punëtore nuk mbetet kot. Përveç pagesës 10 % shkon për viktimat.”
Por sa është numri i të dënuarve që pritet të përfitojnë nga ky vendim?
“Më pak se 6 muaj sot kemi vetëm 37 veta, por këto 37 do futen në sitën tjetër që kanë të bëjnë me sjelljen e tyre, me rrezikshmërinë e tyre. Nëse kalojmë në një vit, 147 persona. Të paktën të kemi një vit minimumiqë të shikojmë sjelljen e personit dhe të japim garanci nëse është gati të integrohet.”
Aktualisht në Shqipëri janë 919 të burgosur që janë dënuar deri me 5 vite heqje lirie.
Tv Klan
