Një shpërthim i madh i tuberkulozit ka ndodhur në Kansas City të Shteteve të Bashkuara të Amerikës.
Deri më tani konsiderohet si një prej shpërthimeve më masive të regjistruar ndonjëherë, ku deri më datë 24 janar ishin raportuar 67 raste aktive të tuberkulozit, ose TB, në qarqet Wyandotte dhe Johnson në shtetin e Kansasit.
Ndërkohë nën monitorim janë edhe 384 persona të cilët kanë qenë të ekspozuar ndaj Tuberkulozit dhe po marrin asistencë shëndetësore nga ekipet mjekësore.
Tuberkulozi, i cili përhapet përmes ajrit, shkaktohet nga një bakter që zakonisht prek mushkëritë, por mund të ndikojë edhe në pjesë të tjera të trupit, si truri dhe nëse nuk trajtohet, mund të jetë fatal.
