Drejtori i Klinikës për Fëmijë në Shkup, Dr. Rexhep Memedi, realizoi një takim të rëndësishëm me drejtoreshën e Klinikës së Pediatrisë në Qendrën Klinike Universitare të Kosovës, Dr. Violeta Grajçevci Uka. Gjatë takimit u diskutua rreth përvojave praktike të dy institucioneve shëndetësore dhe u shqyrtuan mundësitë për bashkëpunim të ndërsjellë në fushën e pediatrisë.
Palët shprehën gatishmëri për intensifikimin e komunikimit dhe për organizimin e aktiviteteve të përbashkëta me qëllim shkëmbimin e përvojave, rritjen e cilësisë së trajtimit të pacientëve të vegjël dhe përparimin profesional të ekipeve mjekësore.
Takimi u vlerësua si një hap i rëndësishëm drejt ndërtimit të urave të bashkëpunimit ndërmjet dy klinikave për përmirësimin e kujdesit shëndetësor për fëmijët në të dy vendet.
