Alexander “Sasha” Kasanof nuk do të jetë më zëvendësndihmës sekretar për Ballkanin Perëndimor, ka raportuar në burime “Al Jazeera” në Ballkan. Sipas raportimit, Kasanofi do të zëvendësohet nga Colleen Hyland që udhëhiqte Drejtorinë për çështjet e Evropës Qendrore dhe Jugore.
Sipas raportimit, nuk dihet nëse ky ndryshim është i përkohshëm apo afatgjatë.
Hylandi është diplomate me eksperiencë që ka punuar në disa misione diplomatike të SHBA-së, përfshirë edhe atë në Kosovë, ku ishte zëvendësambasadore në periudhën 2016-2019.
Ajo flet edhe gjuhën shqipe.
Deri tash në këtë post ka qenë Kasanofi që nga korriku i vitit 2024. Ai pati zëvendësuar Gabriel Escobarin.
