Një grua nga Misisipi në ShBA po përballet me akuza për vrasje, pasi thuhet se e qëlloi për vdekje burrin e saj, teksa po debatonin në Facebook Live.
Autoritetet e Lowndes kanë bërë të ditur se i janë përgjigjur një telefonate për dhunë në familje rreth orës 7:40 të mëngjesit të së shtunës në një shtëpi në Columbus, Mississippi.
Sipas njoftimit të policisë, 28-vjeçari u gjet i vrarë nga një armë zjarri, derisa gruan 28-vjeçare, Kadejah Michelle Brown e kanë arrestuar, shkruan WTOC.
Policia ka bërë të ditur se ngjarja ka ndodhur ‘live’ në Facebook dhe bëhet e ditur se kjo ka ndodhur pas një debati mes tyre.
Ndryshe, ata gjetën një pistoletë 9 mm në vendngjarje, së bashku me prova të tjera fizike.
