“Superman Challenge” është “loja” për shkak të së cilës një nxënës i gjimnazit “Mihailo Pupin” ka përfunduar sot në spital. Në sfidën, e cila është e njohur në mesin e adoleshentëve dhe të rinjve në TikTok, grup fëmijësh incizohen duke kërcyer në krahët e shtrirë të bashkëmoshatarëve duke imituar Supermanin, të cilët më pas duhet të kërcejnë nga krahët dhe të zbresin në dysheme me këmbë, raporton Meta.mk.
Në “lojë”, sot një nxënës i vitit të dytë të kësaj shkolle ka rënë përtokë dhe ka humbur ndjenjat gjatë pushimin të gjatë, pas së cilës ka përfunduar për incizim në Spitalin e Përgjithshëm të Qytetit “Shën. Naum i Ohrit” në Shkup. Siç mëson Meta, pjesa tjetër e nxënësve janë mërzitur pas ngjarjes dhe autoritetet në shkollë i qetësuan dhe biseduan me ta për të parandaluar situata të ngjashme në të ardhmen.
“Është e vërtetë që ka ndodhur, por fëmija është mirë. Kolegët e mi kanë biseduar me nxënësit dhe situata është nën kontroll”, tha për Meta-n drejtori, Dimitar Gjorgjiev.
Ajo që shihet nga videot në TikTok, ndodh që fëmijët me qëllim e shtyjnë nxënësin që kërcen në duart e tyre, që ai të bjerë në dysheme dhe të lëndohet, pikërisht për këtë edhe përfundojnë me fraktura.
Meta foli me traumatologun dr.Nebojsha Nastov, drejtor i Spitalit të Përgjithshëm të Qytetit “Shën Naumi i Ohrit”, i cili tha se sot dhe nesër në mëngjes do të bëjë analizë dhe do të informojë nëse në periudhën e kaluar është rritur numri i adoleshentëve me fraktura.
Sfida e Supermenit është e njohur në shkollat fillore dhe të mesme. Fëmijët zakonisht e përdorin kohën për këtë kur janë në pushim të gjatë.
Fraktura dhe lëndime kanë pësuar edhe fëmijët në vendet e rajonit. Mediat rumune raportojnë se brenda një dite në spitalin “Grigore Alexandrescu” në Bukuresht kanë mbërritur 20 pacientë me kocka të thyera dhe trauma të rënda, të cilët kanë marrë pjesë në sfidën “Superman”.
Prindërit duhet t’u shpjegojnë fëmijëve të tyre rreziqet e kësaj dhe sfidave të tjera të ngjashme në internet.
