Mediat sociale dhe platformat e mesazheve janë bllokuar në Senegal pas trazirave që shpërthyen për dënimin e liderit të opozitës Ousmane Sonko.
Sipas mediave të huaja të paktën nëntë vetë u vranë kur mbështetësit e Sonkos u përleshën me policinë në disa qytete të enjten.
Ministri i Drejtësisë tha se ai mund të arrestohej në çdo kohë dhe policia ka rrethuar shtëpinë e tij në kryeqytet. Mbështetësit e tij kanë frikë se dënimi mund ta pengojë politikanin 48-vjeçar të konkurrojë në zgjedhjet presidenciale të vitit të ardhshëm.
Ministri i Brendshëm tha se qeveria kishte vendosur kufizime në mediat sociale për të ndaluar “përhapjen e urrejtjes dhe mesazheve subversive”.
Njerëzit janë të mërzitur për këtë lëvizje, e cila po prek aplikacionet e njohura si Facebook, Instagram, Messenger, Telegram, TikTok, WhatsApp dhe YouTube.
Ato mund të aksesohen duke përdorur një rrjet privat virtual (VPN), por jo të gjithë janë të vetëdijshëm për një softuer të tillë dhe si funksionon ai.
Disa rrethe të kryeqytetit panë disa nga konfrontimet më të këqija në kampusin universitar në qendër të qytetit, ku policia hodhi gaz lotsjellës ndërsa automjetet u dogjën.
Sonko është shumë i popullarizuar në mesin e të rinjve të papunë dhe ka pësuar një rritje politike meteorike në vitet e fundit.
Pas shkarkimit të tij si inspektor tatimor në vitin 2016, ai u zgjodh deputet dhe u bë kryetar i bashkisë Ziguinchor.
Qeveria ka hedhur poshtë akuzat se ky rast ndaj liderit të opozitës, si dhe të tjera me të cilat ai është përballur, kanë qenë të motivuara politikisht.
Ai u akuzua për sulm seksual dhe kërcënim ndaj një terapisti masazhi në një sallon bukurie në vitin 2021, gjë që ai e mohoi
