Në prag të zgjedhjeve lokale, bartësi i listës për këshilltarë në qytetin e Shkupit nga koalicioni AKI, Abdul-Selam Selami, përmes një postimi në rrjete sociale ka bërë thirrje për një fushatë të ndershme dhe të përgjegjshme.
“Le të tregojmë maturi dhe përgjegjësi gjatë këtyre ditëve të rëndësishme. Të bëjmë fushatë duke i shpalosur qytetarëve programet tona dhe vizionin për të ardhmen,” shkruan Selami.
Ai thekson se politika duhet të bëhet pa fyerje e ofendime, me respekt të ndërsjellë dhe me qëllim që të jetë në shërbim të qytetarëve. “Le të jemi ne ata që japim shembull të mirë, duke treguar se politika mund të jetë për qytetarët dhe me qytetarët,” përfundon mesazhin e tij Selami.
