Të nderuar qytetarë të Komunës së Studeniçanit, të dashur përfaqësues të mediave,
Për vite me radhë, qytetarët tanë janë mashtruar me premtime boshe. Nga ndërtimi i rrugëve dhe ujësjellësit, tek shkolla e mesme, çerdhet, ura dhe shtrati i lumenjve, gjithçka është premtuar, por pothuajse asgjë nuk është realizuar. Komuna e Studeniçanit është lënë pas dore, pa vizion, pa investime, dhe mbi të gjitha, pa dinjitet.
Qytetarët e Studeniçanit, Batincës, Moranës, Koliçanit e gjithë fshatrave tona, e dinë më mirë se kushdo se: Rruga nga Laki deri në Alldincë nuk u ndërtua kurrë. Ujësjellësi nga Sallakova ende nuk ka përfunduar, duke lënë mijëra familje pa ujë të pijshëm. Ura e Batincës është veçse në letër. Çerdhet e premtuara nuk ekzistojnë. Shkolla e mesme dhe Shtëpia e Kulturës, janë premtime të harruara. Ndriçimi publik në shumë vendbanime mungon ende.
Kjo është pasqyra e keqqeverisjes së deritanishme. Këto janë dështimet që i kanë kushtuar kohë, mund dhe dinjitet qytetarëve tanë.
Ne tashmë kemi dëshmuar se ndryshimi është i mundur. Me qeverisjen e re VLEN, shumë projekte janë futur në realizim: Rikonstruksioni i rrugës Studeniçan–Idrizovë me mbi 44 milionë denarë. Rikonstruksioni i rrugës numër 10 në Batincë me mbi 13 milionë denarë. Rikonstruksioni i rrugës numër 15 në Batincë dhe ndërtim të urës ne batincë me mbi 33 milion denarë. Rikonstruksioni i rrugës rrethore në Moranë me mbi 13 milion denarë, rrugës Markov Manastir-Mallçishtë me mbi 24 milion denarë, si dhe asfaltimi i rrugës Uji i Kuq–Kitka me mbi 59 milionë denarë. Investime konkrete në rrugët e Studeniçanit, të Batincës e të gjithë vendbanimeve.
Por kjo është vetëm fillimi!
Programi ynë zgjedhor është i qartë, realist dhe i financuar. Do ta kthejmë Studeniçanin në një komunë të zhvilluar dhe moderne, ku çdo qytetar ndihet i barabartë.
Do ta përfundojmë përfundimisht ujësjellësin në Studeniçan, Koliçan dhe Batincë. Do të bëjme rikonstruim të rrugëve në të gjitha vendbanimet në komunën tonë që nuk janë të mirëmbajtura nga komuna. Do të ndërtojmë çerdhe për fëmijët tanë në Studeniçan dhe Batincë. Do të hapim një shkollë të re fillore në Studeniçan dhe Moranë. Do të ndërtojmë Pallatin e Kulturës në Studeniçan dhe salla sportive moderne në Batincë dhe Koliçan, ndërsa në Moranë ndërtimi i një fushe të hapur sportive-multifunksionale. Do të sjellim ndriçim publik në çdo vendbanim të komunës. Do të hapim qendër sociale, zyrë për pensionistët dhe zyrë për informimin e qytetarëve, do të mbështesim nxënësit, studentët, klubet sportive dhe familjet me lindje të reja. Do të investojmë në arsim nëpërmjet digjitalizimit të mjeteve mësimore si kompjutorë dhe projektor. Do të sjellim plane urbanistike për zonë industriale, duke krijuar kushte për zhvillim ekonomik dhe hapje të vendeve të reja të punës. Me Ndërmarjen publike të transportit ne nivel të qytetit të Shkupit do te angazhohemi për qarkullim më shpeshtë te linjave të autobusave për vendbanimet e komunës sonë me qëllim të lehtësimit të levizjes së qytetarëve, dhe minimizimin e ndotjes së ajrit. Do të mbështesim bujqit përmes hapjes së njësise rajonale te Ministrisë së bujqësisie në kuadër të komunës sonë. Aplikimi për subvencione dhe te gjitha informatat do të jenë në shërbim të bujqëve në komunën tonë. Njëkohesisht do të bëjme promvimin e turizmit malor përmes IPARD Programës. Gjithashtu do të angazhojm edhe konsultant – agronom për dhënie sherbime dhe këshilla falas bujqëve.
Të dashur qytetarë të Komunës së Studeniçanit,
E kemi parë çfarë bëjnë ata që vetëm premtojnë. Tani është koha të shohim çfarë bëjmë ne që e mbajmë fjalën. VLEN është vula e ndryshimit. Unë, Sedat Bislimi, së bashku me ju, do ta sjellim zhvillimin në çdo lagje, në çdo rrugë dhe në çdo shtëpi të komunës sonë.
VLEN ndryshimi është këtu dhe ndryshimi për Studeniçanin fillon më 19 tetor!
https://www.facebook.com/share/v/1TrLupaEV1/
