Deputeti i VLEN Bekim Sali, së bashku me kandidatin për kryetar të Komunës së Çairit, Izet Mexhiti, inspektuan nga afër punimet në lagjen Gazi Babë, më konkretisht në Rrugën “Jashar Erebara”. Ky projekt i rëndësishëm, me vlerë rreth 3 milionë denarë, do të sjellë përmirësime të mëdha në infrastrukturën e lagjes dhe do të përfshijë:
Ndërtimin e rrjetit të ri të ujësjellësit
Kanalizimin atmosferik dhe fekal
Ndriçimin modern të rrugës
Asfaltimin e plotë të rrugës pas përfundimit të punimeve nëntokësore
Projekti është pjesë e një iniciative të gjerë të bashkëpunimit me Qeverinë dhe Ministrinë e Mjedisit Jetësor, duke e vendosur Çairin në një vijë të re zhvillimore. Sali theksoi se ky është një dëshmi e qartë e ndryshimeve pozitive që po ndodhin në komunë, duke sfiduar neglizhencën dhe diskriminimin e mëparshëm.
“Çairi është në një rrugë të re të zhvillimit, dhe çdo lagje po përfiton nga investimet serioze dhe konkrete”, theksoi deputeti Bekim Sali.
