Ish-diplomati amerikan, Xhejms Rubin, prej dy ditësh po jep dëshminë e tij në Hagë, në cilësinë e dëshmitarit të mbrojtjes, me ç’rast e ka goditur ashpër Prokurorinë e Speciales, duke i numëruar shkeljet që kjo gjykatë ka bërë në raport me ish-presidentin e Kosovës, Hashim Thaçi, dhe të akuzuarit tjerë, duke thënë se kjo nuk është drejtësi.
Sipas Rubinit, Prokuroria po e akuzon politikisht ish-udhëheqësin e UÇK-së Hashim Thaçi dhe të tjerët.
“Mendoj që jam munduar pa fund që të jem i disponueshëm për këtë gjykatë, kam shpenzuar qindra orë përgatitje dhe ndjesia ime ishte se gjithë njohuritë ishin të pranishme në dokumente. Pikëpamjet e Prokurorisë nuk është se do të ndihmoheshin nga kontributi im. Nëse keni nevojë për pyetje kam qenë këtu dje dhe sot. Fakti që të akuzuarit kanë qenë në paraburgim për më shumë se 5 vjet dhe fakti që ata janë dorëzuar vullnetarisht dhe fakti që janë mbajtur kaq gjatë më shqetëson, mendoj se lidhet me politikën. Më shqetëson fakti që dikush të jetë i paraburgosur për kaq gjatë. Këta persona janë dhënë vullnetarisht dhe kanë qenë bashkëpunues me Gjykatën. Në rastin e të akuzuarve nuk e kuptoj pse është dashur të jenë në burg për 5 vjet, nuk e shoh si shtet të së drejtës, Albrajt nuk e ka pasur këtë drejtësi në mendje kur e ka incizuar Tribunalin e Hagës. Mua kjo më është dukur si fajësim politik, për shkak se Hashim Thaçi ka qenë udhëheqës i UÇK-së, duke qenë se kam parë nga afër liderët e UÇK-së dhe asnjë person tjetër nuk e ka pasur këtë mundësi, duke pasur ide të mira të funksionit, për 3 ditë kam parë si janë sjellë ata, kush ishte përgjegjës, komandant, mbështetës. Duke pasur këtë njohuri, mendoj se kjo ka qenë e gabuar, unë nuk jam jurist, kjo nuk është drejtësi.”, ka thënë ai.
