Ministria e Punëve të Brendshme ka njoftuar se në Burgun e Shutkës ka pasur rrahje masive mes të burgosurve, ku njëri nga të lënduarit ka përfunduar me lëndime dhe është dërguar në spital, transmeton TV21.
“Sot, në ora 03.10 në SPB Shkup nga Burgu i Shkupit është denoncuar se rreth orës 02:30 në burg ka pasur rrahje mes disa të burgosurve, ku njëri nga të burgosurit ka pësuar lëndime fizike dhe është dërguar në Spitalin e Përgjithshëm të Qytetit “Shën Naumi i Ohrit” për trajtim mjekësor. Ndërmerren masat për zbardhjen e rastit”, thuhet në njoftim.
