Sot, në orën 18:00, në Muzeun e Artit Bashkëkohor në Shkup, kandidati për Kryetar të Komunës së Çairit, Bujar Osmani, së bashku me arkitektin me famë botërore Michel Roykind prezantojnë “Vizioni i Karrierës” – një plan zhvillimi gjithëpërfshirës dhe transformues për Çairin informon Tetovasot.
Për herë të parë, Çairi merr një vizion dhe strategji afatgjatë, që i vendos nevojat e qytetarëve në qendër. Plani parashikon infrastrukturë moderne të trafikut, sheshe të reja, parqe të gjelbra, hapësira publike dhe zona të sigurta për të jetuar, lëvizur dhe socializuar.
Ky vizion është zhvilluar në bashkëpunim me arkitektin meksikan Michel Roykind dhe ekipin e tij, të njohur për transformime urbane në qytete të ndryshme të botës. Përvoja e tyre tashmë po përfshihet në zemër të komunës sonë.
“Vizioni i Karrierës” shënon fillimin e një kapitulli të ri për Çairin – një plan që synon të zgjidhë problemet kryesore, të rikthejë krenarinë dhe të sjellë një të ardhme të re për qytetarët.
Sot fillon bashkërisht rruga drejt ëndrrës së përbashkët për ndërtimin e Çairit të së ardhmes.
