Cristiano Ronaldo dhe Lionel Messin janë dy prej futbollistëve më të mirë të dekadave të fundit.
Rivaliteti i tyre në fushën e futbollit kur luanin te Real Madridi dhe Barcelona për vite me rradhë, ka bërë që tifozët e tyre të përplasen shpesh herë me njëri tjetrin, shkruan IndeksOnline.
Edhe pse tani nuk ka rivalitet në fushë, jashtë fushe tifozët vazhdojnë rivalitetin mes Ronaldos e Messit.
Sulmuesi portugez në një intervistë të fundit ka thënë se tashmë ka mbaruar rivaliteti mes tyre dhe ata respektojnë njëri-tjetrinm, duke bërë të qartë se nuk janë as miq.
Ronaldo ka bërë edhe një mesazh për tifozët e tij, duke thënë se nëse të pëlqen Cristiano, nuk ke pse ta urresh Messin.
“Nëse të pëlqen Cristiano, nuk ke pse ta urresh Messin. Të dy ndryshuan historinë e futbollit dhe respektohen. Rivaliteti është zhdukur. Të dy i kemi bërë gjërat mirë (në Arabi dhe MLS).Rivaliteti? Unë nuk i shoh gjërat ashtu, ne e kemi ndarë skenën për 15 vjet, nuk them se jemi miq, por respektojmë njëri-tjetrin. Rivaliteti ishte i mirë, tifozëve u pëlqeu.”, ka deklaruar ronaldo./IndeksOnline/
