Në mesin e brezit të ri të sportistëve tetovarë, po shkëlqen me hapa të sigurt karateisti i ri i KK Shkëndija, Ron Bilalli, i cili vazhdon të grumbullojë trofe dhe mirënjohje në skenën vendore dhe ndërkombëtare.
Suksesi më i fundit erdhi në turneun ndërkombëtar të Karatesë “Ulqin 2025”, ku Roni u shpall kampion, duke treguar edhe një herë nivelin e tij të lartë teknik dhe garues.
Edhe pse akoma në moshë të re, karriera e tij është në rritje të vazhdueshme: më 3 mars, në Ditën e Komunës së Tetovës, Roni u dekorua me mirënjohje nga Komuna, si një nga sportistët e rinj që po e përfaqëson denjësisht qytetin në arenën vendore dhe ndërkombëtare.
Në dhjetor të vitit të kaluar, ai kaloi me sukses provimin për gradën Kyu1, duke demonstruar teknikë të pastër, disiplinë dhe përgatitje të shkëlqyer, një tjetër hap i rëndësishëm në rrugëtimin e tij si karateist.
Medaljet e shumta të fituara në gara të ndryshme flasin për një talent të veçantë, i cili jo vetëm që po rritet, por po e ngre edhe emrin e Tetovës në sportin e karatesë
