Një gjykatë braziliane ka hedhur poshtë një ankesë të re të paraqitur nga mbrojtja e ish-lojtarit të kombëtares braziliane, Robinho, i cili po vuan një dënim me nëntë vjet burg për përdhunimin e një shqiptareje, kështu që ish-ylli i Real Madridit, Manchester Cityt dhe Milanit do të mbetet në burg.
Gjykata e Lartë e Drejtësisë në Brazil vendosi që argumentet e avokatit të Robinhos ishin dëgjuar tashmë dhe më pas u hodhën poshtë tri herë, dhe për këtë arsye gjyqtarët votuan unanimisht për të rrëzuar apelin.
Mbrojtja e Robinhos argumentoi se gjykatat braziliane nuk morën parasysh natyrën prapavepruese të një ligji për imigracionin që lejon që një dënim i dhënë jashtë vendit të vuhet në Brazil.
U dënua me nëntë vite për dhunimin e shqiptares, Robinho fillon punë në burg
Lexo po ashtu
U dënua me nëntë vite për dhunimin e shqiptares, Robinho fillon punë në burg
Duke pasur parasysh se ligji i lartpërmendur u miratua në vitin 2017, disa vite pasi krimi u krye në Itali, mbrojtja pretendon se ai nuk mund të zbatohej në rastin e tij.
Robinho u dënua në Itali në vitin 2017 për një përdhunim në grup që ndodhi në një klub nate në Milano në vitin 2013. Ai nuk mund të burgosej në Itali në atë kohë sepse u kthye në Brazil para vendimit, Kushtetuta e të cilit ndalon ekstradimin e qytetarëve të saj.
Ai filloi të vuante dënimin e tij në burgun famëkeq Tremembe të Brazilit në prill të vitit 2024. /Telegrafi/
