Rinis kampionati elitar, fitojnë Shkëndija dhe Shkupi, humb Struga

Mesditën e kësaj të diele ka rinisur kampionati në Ligën e Parë të futbollit në Maqedoninë e Veriut me xhiron e 19-të në program. Shkëndija ka fituar Vardarin në kryeqytet me rezultat 1:2. Ibraimi dhe Tamba realizuan golër për tetovarët, teksa Zakariq shënoi nga penalltia për Vardarin.
Në Çair, Shkupi ka triumfuar përballë Rabotniçkit me dy golat e Avornos dhe Imerit. Ndërkohë kampionët në fuqi e ka nisur me humbje gjysmësezonin pranveror, pasi u mundën nga Gostivari me shifra 1:0, ku golin e vetëm e realizoi Alper Potuk.
Fitore në këtë rinisje të kampionatit ka shënuar edhe Voska Sport e Ohrit, të cilët në shtëpi mundën Besën e Dobërdolit me rezultat 2:0.
Në duelet tjera, nuk kishte fitues, pasi Pelisteri – Brera e mbyllën me barazim 0:0, teksa Sileksi dhe Tikveshi nuk shkuan më shumë se një rezultat 1:1.