Reperi shqiptar Azet ka njoftuar ndjekësit e tij përmes një postimi në rrjete sociale se nuk do të mund të performojë në koncertin e planifikuar në Ulqin, për shkak të gjendjes së tij shëndetësore.
Ai ka bërë të ditur se është nën kujdes mjekësor dhe aktualisht nuk ndihet mirë për të përballuar skenën, shkruan “Kosovarja”.
“Me zemër të thyer, për fat të keq më duhet të anuloj koncertin e sotëm në Ulqin për arsye shëndetësore. Shpresoja të isha përsëri në formë sot, por trupi im më ka zhgënjyer. Më vjen keq për të gjithë dhe shpresoj të më kuptoni.
Do të shërohem sot dhe do të shihemi nesër në Strugë dhe Kërçovë. I juaji, Azet” ishin fjalët e tij.
