Real Madrid ka shënuar një fitore të madhe në Anfield.
Mbretërit kanë mposhtur Liverpoolin me rezultat 2-5 në ndeshjen e xhiros së 1/8 të Ligës së Kampionëve.
Liverpooli e nisi shumë mirë ndeshjen duke shënuar dy gola të shpejtë, shkruan Indeksonline.
Fillimisht realizoi Nunez në minutën e 4-të e më pas Salah shfrytëzoi një gabim të portierit për të dyfishuar rezultatin.
Por për Liverpoolin kjo ishte e gjitha që pamë në këtë ndeshje.
Real Madrid arriti që në pjesë të parë të barazoj rezultatin me dy golat e Vinicius Junior në minutat 21 dhe 36.
Në pjesë të dytë, skuadra e Ancelottit realizoi edhe tre gola të tjerë.
Fillimisht realizoi Militao në minutën e 47-të e më pas dy herë realizoi Benzema në minutat e 55-të dhe 67-të.
Ndeshja e kthimit në Santiago Bernabeu do të zhvillohet me 15 mars. /IndeksOnline/
