Real Madrid mposhti sot Getafe me rezultat 2:0 për të qëndruar në hap me liderin e La Ligës, Barcelona.
Ylli anglez Jude Bellingham solli mikpritësit në epërsi nga penalltia në minutën e 30-të, ndërsa tetë minuta më vonë sulmuesi francez Kylian Mbappe ngriti epërsinë në 2:0.
Madrilenët kështu siguruan një fitore jetike teksa rivali Barcelona pësoi humbje befasuese 2:1 nga Las Palmas të shtunën.
Pas 15 xhirosh, Barcelona kryeson me 34 pikë, ndjekur nga Real Madrid me 33 pikë, ndërsa Getafe renditet e 17-ta me 13 pikë.
