Real Madrid shënoi sot fitore në udhëtim ndaj Alaves me rezultat 1:0, në kuadër të xhiros 31 të La Ligës.
Autor i golit të vetëm ishte Eduardo Camavinga në minutën e 34-të.
Skuadra madrilene mbeti me dhjetë lojtarë në fushë katër minuta më vonë.
Kylian Mbappe goditi rivalin e tij Antonio Blanco dhe u ndëshkua me karton të kuq pas shikimit të VAR-it.
Alaves gjithashtu e përfundoi ndeshjen me një lojtar më pak pasi Manuel Sanchez u skuq në minutën e 70-të pas ndërhyrjes së ashpër ndaj Vinicius Junior.
Skuadra madrilene ka 66 pikë, katër më pak se lideri Barcelona. Deri në fund të kampionatit spanjoll kanë mbetur edhe shtatë xhiro.
