Ministri i Punëve të Brendshme, Pançe Toshkovski thotë se Prokuroria ka treguar guxim dhe vendosmëri që të veprojë për një pjesë të lëndëve, siç është ajo me zjarrin në diskotekën “Puls” në Koçan, por për një pjesë tjetër të lëndëve, për të cilat MPB ka ngritur kallëzime penale me numër të madh të dëshmive, nuk është bërë asnjë hap. Në intervistë për Agjencinë e lajmeve “Mia” Toshkovski si shembull mori rastin “Aditivët” i cili siç tha, ishte i procesuar dhe me aktakuzë, por prokuroria publike dhe gjykatat nuk i trajtojnë të gjithë personat kundër të cilëve janë ngritur akuza penale në mënyrë të barabartë. Numri një i policisë tha se do të ketë edhe raste të tjera që lidhen me krim dhe korrupsion të funksionarëve të lartë.
– Advertisements –
“Fatkeqësisht, edhe përskaj faktit që dorëzuam një numër të madh të kallëzimeve penale, si kundër ish ministrave, drejtorëve të institucioneve, kallëzim penal kishte edhe ndaj një ish kryeministri, prokuroria publike dhe gjykatat e shohim se nuk veprojnë në mënyrë të barabartë ndaj të gjithë personave kundër të cilëve janë ngritur akuza penale. Mbetet që koha të tregojë nëse në një periudhë të caktuar, Prokuroria Publike dhe gjykatat do të inkurajohen të veprojnë brenda kuadrit të kompetencave të tyre të dhëna me ligj, në mënyrë që të shohim drejtësi procedurale”, tha Pançe Toshkovski, Ministër i Punëve të Brendshme.
