Kryeministri i Shqipërisë, Edi Rama, ka njoftuar se edhe sot do të vazhdojë takimet në rajon, për t’i njoftuar lidhur me samitin e Procesit të Berlinit, që sivjet mbahet në Tiranë, transmeton Gazeta Metro.
Me anë të një postimi në Facebook, Rama ka bërë me dije se sot do të udhëtojë për në Sarajevë, derisa ka përshëndetur Kosovën.
“…dhe me një përshëndetje për krejt Kosovën, vazhdojmë drejt Sarajevës për ditën e dytë të takimeve në rajon”, ka shkruar Rama.
Këtë tour Rama e ka nisur me Maqedoninë e Veriut, derisa dje ka qëndruar edhe në Kosovë, ku është takuar me Presidenten Vjosa Osmani dhe Kryeparlamentarin Glauk Konjufca, por jo edhe me kryeministrin Albin Kurti.
Ndryshe, Kurti ka kushtëzuar mbajtjen e takimit me Ramën, me mbajtjen e mbledhjes së përbashkët të dy qeverive, që ishte anuluar nga Rama.
