Qeveria sot mbajti mbledhjen e rregullt të 63-të, në të cilën u miratuan një sërë masash të rëndësishme të fokusuara në forcimin e stabilitetit ekonomik, përmirësimin e shërbimeve publike dhe rritjen e transparencës në qeverisje. Këto vendime pasqyrojnë angazhimin e Qeverisë për të arritur rezultate konkrete.
Në lidhje me këtë, duam ta informojmë opinionin se në mbledhjen e sotme Qeveria shqyrtoi dhe miratoi informacionin për përcaktimin e pagës minimale për vitin 2025, duke zbatuar kriteret e përcaktuara me ligj ku paga minimale për vitin 2025 do të shënojë rritje prej 2,685 denarë në shumën bruto, përkatësisht 1,812 denarë në shumën neto. Qeveria vazhdimisht punon për përmirësimin e standardit jetësor të qytetarëve përmes rritjes së qëndrueshme të ekonomisë.
Gjithashtu, e informojmë opinionin se në mbledhjen e sotme të Qeverisë u miratuan propozimet për ndryshime dhe plotësime të shtatë ligjeve që janë në kompetencë të Ministrisë së Transportit. Duke pasur parasysh ngjarjet e fundit tragjike, synimi është kryerje e kontrolleve më të shpeshta për të gjithë poseduesit e licencave, lejeve dhe autorizimeve. Duke pasur parasysh se jepen shumë licenca, leje apo autorizime nga Ministria e Transportit, këto ndryshime ligjore synojnë të parashikojnë detyrim ligjor për të kryer atë kontroll dy herë në vit për të gjithë poseduesit e licencave të lëshuara sipas Ligjit. Kjo, sigurisht, nuk e përjashton mundësinë e kryerjes së më shumë kontrolleve sesa është paraparë me ligj, me qëllim sigurimin e shërbimeve cilësore dhe sigurisë për qytetarët që janë përdorues të këtyre shërbimeve nga personat e licencuar. Për më tepër, ndryshimet ligjore parashikojnë që për kontrollet e ardhshme ankesa të mos e shtyjë ekzekutimin, pra pezullimi do të zbatohet menjëherë.
Këto aktivitete konfirmojnë përkushtimin e Qeverisë për një përparim të vërtetë dhe konkret, që ka për qëllim përmirësimin e jetës së përditshme të qytetarëve. Duke e vënë prioritetin mbi efikasitetin dhe zhvillimin afatgjatë, Qeveria mbetet e përkushtuar dhe do të vazhdojë të informojë publikun për çdo hap të ndërmarrë.
