Qeveria miraton nevojën për 120 autobusë të rinj ekologjikë

Qeveria ka miratuar informacionin e Ministrisë së Transportit për nevojën e 120 autobusëve të rinj ekologjikë, 80 prej të cilëve, sipas njoftimit të Qeverisë, janë urgjentisht të nevojshëm për Qytetin e Shkupit. 40 të tjerët do të shpërndahen sipas arsyeshmërisë ekonomike dhe nevojave reale të komunave. Mjetet tashmë janë siguruar në kuadër të buxhetit të Ministrisë së Transportit. “Blerja e autobusëve ekologjikë për transport publik do të kontribuojë në përmirësimin e cilësisë së shërbimeve për qytetarët, si dhe në uljen e ndotjes së ajrit në komunat, zhvillim të qëndrueshëm dhe mbrojtjen e mjedisit jetësor”, thuhet në njoftimin e Qeverisë. /Alsat.mk