Lajme24.mk
  • Ballina
  • Lajme
    • Maqedoni
    • Rajon
    • Botë
  • Showtime
  • Sport
  • Life
  • Tech & Fun
No Result
View All Result
  • Ballina
  • Lajme
    • Maqedoni
    • Rajon
    • Botë
  • Showtime
  • Sport
  • Life
  • Tech & Fun
No Result
View All Result
Lajme24.mk
No Result
View All Result
Home Lajme Kosovë

Qeveria e Kosovës konfirmon mbylljen e pesë komunave paralele serbe në veri

30/08/2024
0
SHARES
19
VIEWS
Share on FacebookShare on Twitter

“Autoritetet kosovare i kanë mbyllur të premten pesë komuna paralele serbe në veri të vendit, pjesë e banuar me shumicë serbe”, njoftoi ministri i Administrimit të Pushtetit Lokal të Kosovës, Elbert Krasniqi.

 

Ai tha se komunat paralele serbe kanë funksionuar nën udhëheqjen e Serbisë, duke e “cenuar kushtetutshmërinë dhe ligjet e Republikës së Kosovës”.

“Institucionet e Republikës së Kosovës ofrojnë shërbime për të gjithë qytetarët, pa dallim. Ato janë adresa e duhur për të gjitha kërkesat dhe nevojat e qytetarëve tanë. Mbesim të përkushtuar për sa më shumë shërbime me cilësi sa më të lartë”, tha Krasniqi.

Kryeministri i Serbisë, Millosh Vuçeviq, ka kërkuar “reagim urgjent” dhe “më të ashpër” nga bashkësia ndërkombëtare.

Vuçeviq tha se Serbia ka dërguar një mesazh të qartë se “avokon fuqishëm për paqen dhe stabilitetin” në rajon, por se “nuk do të lejojë dhunë dhe masakër kundër popullit të saj”, thuhet në një njoftim të Qeverisë së Serbisë.

Ministri Krasniqi tregoi se komunat e mbyllura janë Qarku i Mitrovicës së Kosovës, Komuna paralele e Mitrovicës, Komuna paralele e Zveçanit, Komuna paralele e Zubin Potokut dhe Komuna paralele e Leposaviqit.

Presidenti i Francës, Emmanuel Macron, tha një ditë më parë në Beograd se partnerët evropianë janë të shqetësuar me “lëvizjet e njëanshme të Kosovës”.

Kryeministri i Kosovës, Albin Kurti, iu përgjigj atij të premten duke thënë se Qeveria e tij është duke vendosur sundim të ligjit dhe rendit publik, si dhe duke siguruar paqe dhe siguri për të gjithë qytetarët e Kosovës – pa dallime.

Qeveria e Kosovës ka thënë vazhdimisht se po përpiqet të vendosë rend dhe ligj, posaçërisht në veriun e Kosovës të banuar me shumicë serbe, duke i shuar institucionet paralele serbe.

Katër komunat me shumicë serbe në veri, Mitrovicë e Veriut, Zveçan, Leposaviq dhe Zubin Potok, udhëhiqen nga kryetarë shqiptarë prej majit të vitit të kaluar, kur ata morën mandatin nga zgjedhjet lokale që u bojkotuan nga popullata shumicë serbe.

Serbët lokalë – megjithëse morën pjesë në peticionin për shkarkim të kryetarëve – ata e bojkotuan procesin më vonë, pas thirrjes së Listës Serbe, partisë më të madhe të serbëve në Kosovë, e cila gëzon mbështetjen e Beogradit zyrtar.

Në Kosovë, ka komuna, kompani e ndërmarrje publike, çerdhe, shkolla fillore, të mesme dhe universitete publike që financohen drejtpërdrejt nga Qeveria e Serbisë, dhe të cilat gjenden në qytetet dhe vendbanimet ku jetojnë komuniteti serb.

Më 2013, Kosova dhe Serbia në dialogun për normalizimin e raporteve në Bruksel, kishin arritur një marrëveshje për shuarjen e institucioneve paralele, por ende kjo marrëveshje nuk është zbatuar plotësisht.

Serbia, në buxhetin për vitin 2024, ka rritur financimin për punën e institucioneve paralele në Kosovë, përmirësimin e jetës së qytetarëve, informimin, por edhe për mbështje për klerikët dhe murgjit në Kosovë. Po ashtu, mbështet punën e Universitetit të Prishtinës me seli në Mitrovicën e Veriut dhe investon në projekte mjedisore. /rel

Previous Post

Mrekullitë e rrushit jo vetëm në shëndet, por edhe në bukuri; Ja si ta përdorni

Next Post

Taulant Seferi transferohet në Turqi, nënshkruan me klubin turk

Related Posts

Kosovë

Fotografia e UÇK-së në Facebook, bashkëshortja jep detaje për ndalimin e Behar Preniqit nga Serbia

06/08/2025
Kosovë

Prishtina përfitoi 22 milionë euro të hyra nga Sunny Hill Festival

05/08/2025
Kosovë

​Osmani tërheq kërkesën nga gjykata: Gjyqtari Laban kërcënon rendin kushtetues

05/08/2025
Kosovë

Zhegrova bën hap përpara në karrierë, pritet t’i bashkohet skuadrës së madhe evropiane

05/08/2025
Kosovë

Ngrihet aktakuzë ndaj Popoviqit që e quajti UÇK’në “terroriste”

05/08/2025
Kosovë

“Nëse Kushtetuesja vendos për zgjedhje të reja, shumica e deputetëve nuk do të rizgjedhën”

05/08/2025
Next Post

Taulant Seferi transferohet në Turqi, nënshkruan me klubin turk

Dodik nuk do të jetë më president i Republika Srpska!

06/08/2025

Biznesmen i famshëm turk zhduket në Mykonos, jahti i tij gjendet i shkatërruar

06/08/2025

Fotografia e UÇK-së në Facebook, bashkëshortja jep detaje për ndalimin e Behar Preniqit nga Serbia

06/08/2025
Lajme24.mk

Shoqëria për tregti dhe shërbime
“AKTUALE” SHPKNJP – Shkup

email: lajme24.mk@gmail.com

Browse by Category

  • __kateg
  • __kateg
  • Aktuale
  • Biznes
  • Botë
  • Intervista
  • Islam
  • Kosovë
  • Lajme
  • Life
  • Maqedoni
  • OPINIONE
  • Rajon
  • Shëndet & Style
  • Shëndet & Style
  • Showbiz
  • Showtime
  • Shqipëri
  • Sport
  • Style
  • Tech & Auto
  • Tech & Fun

Follow Us

  • Ballina
  • Lajme
  • Showtime
  • Sport
  • Life
  • Tech & Fun

© 2023 Lajme24.mk

No Result
View All Result
  • Ballina
  • Lajme
    • Maqedoni
    • Rajon
    • Botë
  • Showtime
  • Sport
  • Life
  • Tech & Fun

© 2023 Lajme24.mk