Lëvizja “Kush e ka radhën” ka protestuar sot para kuvendit duke kërkuar drejtësi pas tragjedisë në diskotekën “Pulse” në Koçan, ku humbën jetën 59 persona. Ata në mënyrë simbolike kishin sjellë ulëse dhe pankartë në të cilën shkruhej “Kuvendi është në seancë, ju lutemi për zhurmë” , pasi deputetët kishin anuluar të gjitha aktivitet në kuvend pas ngjarjes së trishtë. Borjan Eftimov nga nga kjo lëvizje tha se si qytetarë janë të frustruar nga mosveprimi i kuvendit.
BORJAN EFTIMOV NGA LËVIZJA KUSH E KA RRADHËN
“Ne si qytetarë jemi të frustruar nga mosveprimi i Kuvendit. Jo vetëm këto dy javë, Kuvendi ka qenë pasiv edhe më herët. Kur deputetët të shkojnë në pushime, kemi vendosur që të mblidhemi dhe të diskutojmë për problemet”.
Ai u bëri thirrje institucioneve që në mënyrë transparente të publikojnë dokumentacionin për funksionimin e diskotekës “Puls”. Kërkesa i është dërguar Inspektoratit Shtetëror të Tregut, Ministrisë së Ekonomisë, Ministrisë së Punëve të Brendshme, Inspektoratit Urbanistik, pushtetit lokal në Koçan, Drejtorisë për mbrojtje dhe shpëtimit, Drejtorisë së të hyrave publike dhe organit konsultativ për preventivë në Koçan.
BORJAN EFTIMOV NGA LËVIZJA
“Ne po kërkojmë që të publikohet dokumentacioni për të parë nëse është bërë ndonjë mbikëqyrje ndër vite që kur ka funksionuar diskoteka”.
Nga lëvizja “Kush e ka rradhën” kërkuan publikimin e dokumentacionit edhe për rastet si “Besa Trans”, “Durmo Tours”, “Onkologjisë” dhe spitalit modular. “Sistemi nuk funksionon dhe publiku nuk është plotësisht i informuar me qëllim që të mbrohen individët apo grupet që sunduan vendin,” thanë ata.
