Njëmbëdhjetë komuna fituan grante në kuadër të projektit “Përforcimi i këshillave komunalë për zbatimin e projekteve”, shkruan Alsat.
Deri në 50 mijë dollarë morën vetëm tre komuna, mes tyre edhe komuna e Çairit.
“Njëmbëdhjetë vetëqeverisje lokale aplikuan dhe fituan më shumë se 15 grante që shpresoj se në periudhën që vijon, përmes mbështetjes së pushtetit qendror dhe ndihmës së donatorëve të huaj, se këto projekte do ta shohin dritën dhe do të mundësojnë që komunat të bëhen vende më cilësore për jetesë”, tha Zllatko Perinski, Ministër i Vetëqeverisjes lokale.
Ambasadorja e Suedisë tha se gjatë 3 viteve të fundit, Suedia e kanë rritur mbështetjen për vendin për 100 për qind. Ajo pret që do të shihen rezultate konkrete.
“Këto janë projekte kyçe infrastrukturore për komunat, siç janë rrugë, ura, kanalizime dhe të ngjashme, efektet e të cilave do të ndjehen së shpejti”, tha Ami Larson Xhein, Ambasadore e Suedisë.
Kreu i Çairit tha se me këtë grant parashihet vendosja e pompave të ngrohjes nëpër shkollat fillore.
“Vlera maksimale që është mundur të merret nga ky grant është 50 mijë dollarë, ashtuqë komuna jonë është fituese, apo komuna e vetme shqiptare.. 11:06 pas efikasitetit energjetik, gjithashtu pas vendosjes së fotovoltaikëve nëpër shkolla, kuptohet që tash edhe vendosja e pompave të ngrohjes do të zcvogëlojë dukshëm harxhimet nëpër shkollat fillore dhe në atë mënyrë do të kemi mundësi të kontribuojmë në ambientin jetësorë, të jetë më i pastër…”, u shpreh Visar Ganiu, Kryetar i komunës së Çairit.
Tetë komunat e tjera kanë marrë grante deri në 20 mijë dollarë. Kjo është thirrja e dytë publike e kësaj natyre, ndërsa në fazën e parë ishin zgjedhur 13 komuna. Në kuadër të këtij projekti paralajmërohet edhe një thirrje e tretë. / Alsat.mk
