Pritje të gjata në vendkalimet kufitare për dalje nga vendi, në “Bogorodicë”

Edhe kjo fundjavë është e zgjatur për shkak të festës së 1 Majit. Për këtë qytetarët e vendit tonë kanë përfituar për të dalë nga vendi duke përfituar edhe nga moti i ngrohtë i këtyre ditëve. Por, në pikat kufitar këtë pasdite kanë filluar edhe kolonat e gjata nëpër vendkalimet kufitare me rajonin. Në pikën kufitare “Bogorodicë” pritet më shumë se 30 minuta për dalje nga vendi. Në pjesën tjetër të vendkalimeve kufitare, nga ana e Maqedonisë, vonesat janë më të reduktuara, por gjithsesi ka kolona të gjata.