Arsyeja është bërë e ditur nga klubi katalanas përmes një njoftimi zyrtar.“Barcelona informon se ndeshja kundër Juventus FC, e planifikuar për sot më 22 korrik në orën 19:30 në Levi’s Stadium, në kuadër të Soccer Champions Tour, është anuluar. Një pjesë e konsiderueshme e skuadrës blaugrana ka gastroenteritis”, shkruan Barcelona.

Sky Sport Italia raporton se Juve do të stërvitet në San Francisko në vend që të luajë ndeshjen dhe mund të ndryshojë orarin e tyre, duke fluturuar për në Los Angeles më herët në përgatitje të përballjes me gjigantët e tjerë italianë AC Milan të enjten e ardhshme.

Ndërkohë, Barcelona do të luajë me Arsenalin në Inglewood të Kalifornisë të mërkurën në mbrëmje. Një mori klubesh më të mëdha në botë do të kalojnë gjithashtu një pjesë të fushatave të tyre parasezonale në Amerikë, si Manchester United, Chelsea, Real Madrid dhe Borussia Dortmund.