Nuk ishte vetëm trajneri Jose Mourinho që ofendoi gjyqtarin anglez Anthony Taylor pas finales së Evropa Ligës me Sevillan, pasi disa tifozë të Romës u përpoqën ta ngacmonin edhe në aeroport.
Performanca nga gjyqtari u konsiderua e diskutueshme për disa vendime, duke përfshirë mënyrën se si ai shpërndau kartonët e verdhë pothuajse ekskluzivisht për “Giallorossin” dhe refuzoi ankesat për një penallti, shkruan Lajmi.net
Faqja zyrtare e Premier League ka bërë një reagim në mbrojtje të gjyqtarit anglez. Ata e cilësojnë si të tmerrshme këtë situatë të krijuar nga tifozët e Romës në aeroport.
“Jemi të shokuar dhe të tmerruar nga abuzimi i papranueshëm drejtur Anthony Taylor dhe familjës së tij teksa po ktheheshin nga finalja e UEFA Europa League”, shkruhet në njoftimin e Premier League.
