Premier League ka hyrë në një epokë të re me rregulla të forta kundër humbjes së kohës, dhe portieri sllovak Martin Dubravka u bë lojtari i parë që e pësoi nga zbatimi i tyre.
Në ndeshjen mes Burnley dhe Tottenham, vetëm katër minuta pas fillimit, arbitri kryesor Michael Oliver ndëshkoi Dubravkën për mbajtjen e topit më gjatë se 8 sekonda – limiti i ri i vendosur për portierët.
Dubravka, i cili debutoi me fanellën e Burnley pas transferimit nga Newcastle, u gjykua se vonoi lirimin e topit dhe si ndëshkim arbitri akordoi një goditje nga këndi për Spurs, sipas rregullit të ri. Fatmirësisht për Clarets, mbrojtja arriti ta pastrojë zonën.
Vetëm gjashtë minuta më vonë, Tottenham kaloi në avantazh me golin e Richarlison, pas një krosimi të ardhur nga afrimi i ri Mohammed Kudus.
Ky është një nga ndryshimet më të rëndësishme që po zbatohen këtë sezon nga PGMOL
