Shkencëtarët kanë zbuluar se pirja e duhanit mund të jetë shkaku i një rritjeje të papritur të goditjeve në tru mes burrave të rinj dhe të shëndetshëm.
Ekspertët kanë vërejtur një rritje misterioze të goditjeve në tru tek individët nën 50 vjeç në vitet e fundit, pa mundur të gjejnë një shkak të qartë deri tani.
Një studim i realizuar nga kërkues britanikë ka zbuluar se pirja e duhanit mund të jetë përgjegjëse për disa nga këto raste të goditjeve. Nga një studim mbi më shumë se 500 viktima të goditjes, ekspertët zbuluan se rreziku i goditjes ishte deri në shtatë herë më i lartë tek burrat që pinë duhan.
Sipas të dhënave zyrtare nga mail online, grupmosha 25 deri 34 vjeç është më e prekura nga pirja e duhanit në Britani, me pothuajse një në gjashtë individë që janë duhanpirës aktualë. Po ashtu, shifrat sugjerojnë një rritje të përdorimit të duhanit mes djemve në disa zona të Britanisë.
Phillip Ferdinand, një kërkues i goditjeve në tru nga Universiteti i Keele, tha se këto të dhëna theksojnë rëndësinë e vazhdimit të përpjekjeve për të inkurajuar njerëzit të lënë duhanin. Ai theksoi se studimi ka gjetur se pirja e duhanit mund të jetë një faktor kyç në këto raste të goditjeve të pashpjeguara.
