Pasi Komisioni Shtetëror për Parandalimin e Korrupsionit njoftoi se nuk kishte kompetencë për të dhënë një mendim, nëse ishte apo jo, urgjente të zgjidhej një kryetar i ri i KSHPK-së, pas hetimit dhe dorëheqjes së Tatjana Dimitrovskës, Komisioni për Zgjedhje dhe Emërime zgjodhi komisionin për përzgjedhjen e kandidatëve për kryetar të ri të KSHPK-së, por tha se ky komision do të vazhdonte punën e tij pas zgjedhjeve më 3 nëntor.
Kryetari i Komisionit për Zgjedhje dhe Emërime, Gjorgjija Sajkoski, informoi se këtë komision do ta përbëjnë 7 anëtarë edhe atë, një anëtarë i propozuar nga Avokati i Shtetit, dy anëtarë nga Fondacioni i caktuar si anëtarë në Këshillin për bashkëpunim në mes Qeverisë dhe Sektorit Civil, dy deputet nga shumica parlamentare, dhe dy deputet nga opozita.
“Komisioni për Zgjedhje dhe Emërime, propozon këto kandidatë, Ylber Rufati, zëvendës Avokatin e Popullit, Darko Avramovskin dhe Bardhyl Jasharin si anëtarë të emëruar nga Fondacioni i caktuar si anëtarë në Këshillin për bashkëpunim në mes Qeverisë dhe Sektorit Civil, Bojan Stojanovski dhe Saranda Imeri – Stafai dy deputet nga Shumica Parlamentare dhe Mitko Trajçuleski dhe Arbana Pasholli dy deputet nga opozita. Anëtarët e këtij Komisioni do të zgjedhin Kryetar, ndërsa anëtarët janë të obliguar ti rishikojnë të dhënat e kandidatëve duke i mbrojtur të dhënat zyrtare” – tha Kryetari i Komisionit për Zgjedhje dhe Emërime, Gjorgjija Sajkoski.
Paraprakisht Komisioni për çështje të Zgjedhjeve dhe Emërimeve në kuadër të Kuvendit, ka kërkuar mendim zyrtarë nga Komisioni Shtetëror për Parandalim të Korrupsionit se si të rrjedh procedura deri në zgjedhjen e Kryetarit.
