Për shkak të mjegullës së dendur, komunikacioni ajror në Aeroportin Ndërkombëtar të Shkupit është i vështirësuar. Disa fluturime janë anuluar ose ridrejtuar.
Sipas informacionit të fundit në faqen zyrtare të aeroportit, fluturimi nga Stambolli është anuluar, ndërsa ai nga Cyrihu është ridrejtuar.
Gjithashtu, gjatë pasdites së sotme, fluturimi i Sun Express nga Antalia nuk ka mundur të ulet pas orës 16:00, si dhe fluturimet e Wizz Air nga Memmingen dhe Baden-Baden nuk kanë arritur të zbarkojnë.
Një tjetër fluturim, ai i aeroplanit LOT nga Varshava, ka kthyer kursin dhe është rikthyer në Poloni.
