Presidenti Stevo Pendaroski nënshkroi 5 ligjet që kanë të bëjnë me marrëveshjen me konzorciumin “Bechtel dhe Enka” për ndërtimin e korridorit 8 dhe 10-D. Pendarovski arsyeton ligjin për marrëdhënie pune se i njëjti nuk është në kundërshtim me kushtetutën pasi që angazhimi i punëtorëve jashtë orarit të punës do të jetë vetëm për disa vende të punës dhe me pëlqim paraprak të punëtorëve.
“Nuk do të nënshkruaj asnjë ligj që në të kaluarën ka qenë në kundërshtim me Gjykatën Kushtetuese dhe në atë drejtim, teksti i ri i ligjit nuk përmban formulimin për 60 orë pune në javë. Jemi konsultuar me ekspertë sa i përket tekstit të ri, kam vendosur që të nënshkruaj këtë ligj dhe 4 ligjet e tjera. Gjykata Kushtetuese është institucioni i vetëm që e thotë fjalën e fundit për kushtetutshmërinë e ligjeve, gjithashtu ka në dispozicion mekanizma për të sjellë në mënyrë të shpejt dhe efikase vendime.”, – deklaroi presidenti i RMV-së, Stevo Pendarovski.
