Duke folur para banorëve të Vallandovës, kandidati për president Stevo Pendarovski sonte theksoi se këtij vendi i duhen liderë që mendojnë 30-40 vjet përpara, e jo politikanë që synimi i vetëm i tyre është që të vijnë në pushtet dhe të qëndrojnë përgjithmonë në karriget e tyre. “Duke punuar për një të ardhme më të mirë për gjeneratat e ardhshme, duke mos menduar për vlerësimin tonë, ne e sollëm vendin në NATO”, tha Pendarovski.
Duke iu përgjigjur pyetjeve të qytetarëve, por edhe për akuzat e përditshme nga lideri i VMRO-DPMNE-së, Hristijan Mickoski, se ka kërcënuar qytetarët, Pendarovski tha se fakti që Mickoski është i tronditur nga lajmet që ai vetë i prodhon është parodi.
“Në vitin 2020, në një raport të Parlamentit Evropian, në një raport të Komisionit për Punë të Jashtme, Mickoski është përmendur si person që prodhon lajme të rreme dhe dezinformata. Mos i besoni”, shtoi Pendarovski.
Ndaj, siç theksoi ai, “në 24 prill qytetarët do të dalin masivisht, do të rrethojnë numrin 1 dhe do t’u tregojnë se çfarë kërkon populli”. Dhe populli dëshiron një të ardhme evropiane, prosperitet dhe lumturi”. Në këtë drejtim, Pendarovski shtoi se do të vazhdojë të punojë për tejkalimin e ndarjeve në shoqëri në shumë baza.
