Papa Leoni XIV bëri thirrje për paqe në Tokën e Shenjtë në Lindjen e Mesme, Ukrainë dhe rajone të tjera të prekura nga konflikti gjatë lutjeve të sotme në Sheshin e Shën Pjetrit në Vatikan.
“Zoti nuk do luftë. Zoti do paqe! Dhe Zoti mbështet ata që angazhohen për të thyer spiralen e urrejtjes dhe për të ecur në rrugën e dialogut,” tha Papa, raportoi Vatican News.
Pas meshës, Leoni inkurajoi të gjithë të “vazhdojnë lutjet e tyre për popullin e Tokës së Shenjtë, Ukrainën dhe çdo pjesë të botës të pllakosur nga lufta”.
Papa iu drejtua gjithashtu udhëheqësve botërorë, duke theksuar se “fitoret e dukshme të arritura përmes armëve, që mbjellin vdekje dhe shkatërrim, janë në fakt disfata dhe ato kurrë nuk sjellin paqe ose siguri”.
