Kam propozuar tre sete mekanizmash. Nën 1- “Çairi 48” që nënkupton mekanizma operativ, për t’i bërë qytetarët mbrojtës të interesit publik. Në bazë ditore duke publikuar tabllo publike, ku të gjitha aktivitetet e komunës do të paraqiten me afate, që qytetarët të jenë në dijeni për çdo punë që e bën komuna. Çdo kërkesë, çdo pyetje e qytetarit do të merr përgjigje brenda 48 orëve. Është një prej problemeve më të mëdha ku qytetarët ankohen me thënien e njohur “komuna nuk punon asgjë. Formimi i ekipeve për intervenime të shpejta.
Seti i dytë me mekanizma, ka të bëjë me temën e luftimit të korrupsionit. Për shkak se është një prej temave që e ka shkatërruar e degraduar Çairin, mënyra korruptive e të punuarit. Prokurimet publike, tenderët, do të punohet dhe do të hapen me transmetim LIVE në opinion. Qytetarët do të mund të ndjekin drejtpërdrejtë gjithë procedurën, prej shpalljes deri te përzgjedhja e kompanive. Përfaqësuesit e OJQ do jenë pjesë e ekipeve në tërë procedurën e prokurimeve publike. Në këtë mënyrë qytetarët dhe OJQ-të i bëjmë gardian të parave publike. Do krijohet platformë online, ku çdo shpenzim do të publikohet. Kush e ka dhënë, për çka është dhënë, kush e ka paguar dhe kush është shfrytëzuesi i atyre. Inkuadrimi i inteligjencës artificiale, që të hiqet faktori njeri në përcaktimin e fituesve, në përcaktimin e konkurseve,… ashtu siç është në vendet europiane, të mundet intelegjenca artificiale të bënë vlerësimin objektiv të kritereve.
Dhe seti i tretë, “Roja e ndërtimit”. Kaosi urban, përveç korrupsionit dhe mosefikasitetit në punë janë tre shtyllat që i kanë lënë qytetarët të dëshpëruar, të pakënaqur dhe ka degraduar Çairin në tërësi. I bëjmë qytetarët monitorues të drejtpërdrejt. Vendosim skanerin urbanistik, në kohë reale qytetarët do të dinë se çka ndërtohet, kush e ndërton, a ka leje ndërtimi, deri kur vlen leja ndërtimit… të gjitha aspektet që kanë të bëjnë me një ndërtim në komunë. Në çdo zonë ndërtimi vendosim poster me QR Code. Qytetari kalon dhe vetëm me modil skanon QR Code dhe merr të gjitha informacionet me ndërtimin. Vendosim linjën telefonike që në mënyrë anonime, qytetarët paraqesin çdo parregullsi çdo ankesë, çdo ndërtim pa leje… dhe komuna reagon me ekipin e intevenimeve të shpejta.
Bëjmë revizion të plotë të gjitha procedurave të ndërtimit. Pas 19 tetorit, Çairi do të punon ndryshe, me efikasitet, transparencë, pa korrupsion dhe me rend. Këto janë masat revolucionare që do të transformojnë mënyrën e funksionimit të pushtetit lokal, që pastaj do të bëhen model edhe për komunat tjera.
