Ministri i Punëve të Jashtme Bujar Osmani në shumë raste ka dëshmuar se nuk bën asnjë hap politik e diplomatik e që mund të jetë në kundërshtim me interesin e Republikës së Kosovës.
“Nëse dikush më dëshmon se me Ballkanin e Hapur dëmtohet drejtpërdrejt interesi i Kosovës, ja unë po them publikisht Maqedonia e Veriut nuk do të qëndrojë asnjë minutë në atë iniciativë. Nuk ndërtojmë ne interesin tonë në kundërshtim me interesin e Kosovës”, pati deklaruar ministri Osmani në një media të Shqipërisë.
Të njëjtën ministri Osmani e ka përsëritur edhe në disa paraqitje tjera për media vendase dhe kosovare,
“Ne nuk do jemi pjesë e cilësdo platformë që do ta dëmtonte interesin e Republikës së Kosovës dhe cilitdo shtet me te cilin ne kemi miqësi dhe partneritet, mirëpo vendimet janë të Kosovës”, ka qenë decid Osmani.
