Më shumë integrim para anëtarësimit, ka qenë një nga temat që sot Ministri i Punëve të Jashtme Bujar Osmani i ka diskutuar në emisionin “Top Tema”. Sipas tij, më shumë integrim para anëtarësimit do të ndikojë në ruajtjen e kredibilitetit të procesit.
“Qytetarëve tanë nuk u intereson nëse ne kemi veto atje (BE) ose komisionar. Qytetarët tanë duan të dinë a kemi qasje te paratë europiane. Duan të dinë nëse mund t’i shkollojnë fëmijët e tyre në cilindo qytet evropian sikur të jetë qyteti i tyre i lindjes. Nëse do të mund të punojnë në qytete europiane si në vendin e tyre. Këtë e kërkojnë qytetarët. Prandaj në kërkojmë që ta kemi menjëherë, si nisin të hapen kapitujt nisin edhe privilegjet sikur të jemi vend anëtare”, tha kryediplomati Osmani.
