Samsung është kompania e parë që ka marrë një miratim për një orë inteligjente që mund të pikasë Keqfunksionimin Sistolik të Barkushes së Majtë (LVSD) dhe nëse nuk trajtohet, mund të ndalojë zemrën.
Është hera e parë që një produkt për konsumatorin merr miratimin për të monitoruar një sëmundje kaq të rëndë të zemrës.
Kjo teknologji do të mundësojë zbulimin e hershëm dhe monitorimin e LVSD, e cila shkakton thuajse 50% të vdekjeve dhe mund të jetë edhe më fatale kur bashkëshoqërohet nga disa lloje kanceri, thekson Samsung.
Teknologjia u krijua sipas algoritmit Medical AI që përdoret në më shumë se 100 spitale koreane dhe për 120 mijë pacientë çdo muaj. Kjo provoi saktësinë e tij duke i mundësuar Samsung marrjen e lejes nga Ministria e Ushqimit dhe e Barnave në Korenë e Jugut.
Sipas kompanisë, monitorimi i LVSD do të ndihmojë jo vetëm personat që nuk shfaqin simptoma, por do të kursejë para në shëndetësi me zbulimin e hershëm të sëmundjes..
Së fundmi, Samsung realizoi edhe një bashkëpunim me Universitetin Hanyang për ndërtimin e një pajisjeje EEG që do të funksionojë përmes teknologjisë së komandimit të kompjuterit nëpërmjet trurit.
Pajisja do të mundësojë monitorimin e valëve të trurit më lehtë dhe jashtë laboratorit. Prototipi po testohet duke vendosur elektroda pranë veshit për të kapur sinjale me cilësi të lartë.
Deri më tani, ajo ka dalluar kur përdoruesi përgjumet dhe sjell analiza të preferencave video me 92.86% saktësi duke përdorur IA për të analizuar valët e trurit.
Samsung mendon se këto të dhëna tregojnë potencialin e pajisjes për përdorim në neuromarketing ose argëtim.
