Shkruan: Ahmet Asani
Më kujtohet regjistrimi i popullsisë së Maqedonisë në vitin 1981, rezultatet e të cilit regjistrim nuk u publikuan kurrë. Më kujtohet si sot që menjehere pas regjistrimit, po atë vit, një politikan i kohës, me emrin Tito Belicanec, në një gazetë të asaj kohe, kishte dhene disa statistika parciale, dhe kishte ngritur hapur çështjen e “rrezikut demografik” nga shqiptarët, duke paralajmëruar se me shtimin natyral të asaj kohe, pas 40 vitesh – pra në vitin 2021 – shqiptarët do të bëheshin shumicë në vend dhe, sipas tij, kjo do të “rrezikonte Maqedoninë”.
▪︎ Ai dhe disa politikanë të tjerë me apo pa qellim, kishin publikuar disa të dhëna të pjesshme statistikore, shifra, që për mua, ishin të mjaftueshme për të bërë llogaritjet e sakta, pasi e njihja mirë matematikën. Sipas përllogaritjeve të mia, përqindja reale e shqiptarëve në vitin 1981 ishte diku rreth 34%. Kjo shifër nuk përfshinte shqiptarët ortodoksë – për të cilët në atë kohë as nuk flitej në publik, as nuk përmendeshin nga profesorët në shkolla, as nga klerikët në xhami e kisha, e as nga valët e Radio Tiranës që e degjonim fshehurazi!
▪︎ Politikat antishqiptare të atyre viteve nuk ndaleshin vetëm te manipulimi i statistikave. Në ate kohê u nxorr nje ligj i cili ndalonte regjistrimin e fëmijës së tretë, duke e bërë të pamundur regjistrimin ligjor të mijëra fëmijëve shqiptarë. Shumë prej tyre nuk mund të ndiqnin shkollën ose të përfitonin shërbime publike, sepse nuk ekzistonin në regjistrat civilë. Po ashtu, ekzistonte një listë zyrtare e emrave shqiptarë – si për djem, ashtu edhe për vajza – që ishin të ndaluar, dhe prindërit detyroheshin t’ua nderronin emrat foshnjeve te posalindura!
▪︎ Pas 20 vitesh, erdhi viti 2001 dhe Marrëveshja e Ohrit, e cila duhej të garantonte barazinë mes shqiptarëve dhe forcave shtetërore maqedonase. Marrëveshja e Ohrit edhe pse në letër premtonte që do te ecet drejtë nje barazie nderetnike, realiteti tregoi që politikat e vjetra ndaj shqiptarëve jo që nuk u ndalën, por u bënë më të sofistikuara.
▪︎ Mungesa e investimeve në komunat shqiptare, diskriminimi në punësim, pengesat për kthimin e shqiptarëve të shpërngulur dhe shtytja e të rinjve drejt emigrimit krijuan një ikje të vazhdueshme nga vendi. Regjistrimet e popullsisë u shtynë disa herë dhe u zhvilluan në mënyrë të diskutueshme, duke mos regjistruar mijëra shqiptarë, duke i fshirë nga librat civil ose duke mos i llogaritur emigrantët që ende kishin rezidencë ligjore në vend.
▪︎ Sipas të dhënave zyrtare të regjistrimit të fundit, ku shqiptarët përbëjnë rreth 24.3% të popullsisë, del se shqiptaret ne Maqedoni per 40 vite jo vetem që nuk u dyfishuan, por krahasuar me përqindjen reale të vitit 81 ata u pergjysmuan!
▪︎ Kjo perqindje prej 24.3% e kontestuar nga shumë organizata shqiptare dhe vëzhgues të pavarur, është rezultat i drejtpërdrejtë i politikave të qëndrueshme të kontrollit demografik, të cilat pas Marrëveshjes së Ohrit jo vetëm që nuk u shuan, por morën forma të reja.
▪︎ Qellimi i politikave antishqiptare në Maqedoni kishte dhe ende ka per qëllim që shqiptarët mos ta marrin asnjëhere statusin e popullit shtetformues!
