Kriptomonedha zyrtare e Donald Trump ka rënë me 32% gjatë 24 orëve të fundit. Kjo rënie vjen mes zhgënjimit për dështimin e presidentit për të prezantuar politika pro-kriptove në ditën e parë në zyrë, siç kishte premtuar gjatë fushatës.
“Monedha meme” e tij, e njohusr si $TRUMP tani është përgjysmuar në vlerë duke çuar në një rënie të madhe, që pas rritjes rekord prej 65 dollarë dy ditë më parë.
Sipas Crypto Today, monedha e Trump është tokeni me performancën më të keqe midis 100 kriptomonedhave më të mëdha.
Sakaq, monedha e zonjës së parë (e quajtur $MELANIA) ka ecur edhe më keq, duke rënë me 61%.
Vendimi për të lëshuar kriptovalutat e tyre është pasuar me një reagim të ashpër, madje edhe nga Bitcoiners dhe mbështetësit e Trump.
Investitorët e Bitcoin kishin pritshmëri të mëdha për ditën e parë të presidentit në Zyrën Ovale. Raportet sugjeruan se Trump kishte planifikuar të emëronte kripto-meta si një nga prioritetet e tij kombëtare dhe do të njoftonte menjëherë planet për të futur në shina industrinë e kriptovalutave.
Megjithatë, asnjë nga urdhrat ekzekutivë që ai nënshkroi dje nuk lidhej me asetet dixhitale dhe planet e SHBA për të investuar në Bitcoin përmes të ashtuquajturës “rezervë strategjike” ende nuk janë konfirmuar.
