Gjatë ditës dhe mbrëmjes së kaluar, ekipet e NP Higjiena Komunale –
Shkup larguan përafërsisht 70 metra kub mbetje nga deponitë e egra të
vendosura në komunat Kisella Vodë, Qendër dhe Gjorçe Petrov të Shkupit.
Në komunën Kisella Vodë janë realizuar aktivitete në rugën „Hristo
Tatarçev”, në afërsi të sallës sportive Rasadnik, ku janë ngritur 30
metra kub mbetje të vëllimshme të hedhura në sipërfaqe me bar, ndërsa në
rrugën „Divizioni 50” në komunën Qendër janë larguar 20 metra kub
kryesisht mbetje të përziera komunale të hedhura në sipërfaqe të
trafikut.
Është intervenuar edhe në rrugën „Boris Sarafov” në komunën Gjorçe
Petrov të Shkupit, ku janë pastruar 20 metra kub mbetje të vëllimshme
dhe mbetje nga paketimet e kartonit të hedhura në mënyrë të paligjshme.
Njëkohësisht, Eko – patrulla pranë NP Higjiena Komunale – Shkup gjatë
ditës së djeshme zbatoi kujdestari intervenuese në komunën Gjorçe
Petrov, gjatë së cilës janë kryer biseda edukative me rreth njëzet
qytetarë të kapur gjatë hedhjes së mbetjes në mënyrë të paligjshme.
