NP Higjiena Komunale largon deponinë e egër në lagjen Serovë

Ekipet e NP Higjiena Komunale – Shkup, gjatë mbrëmjes së djeshme larguan
deponin e madhe të egër të vendosur në komunën Çair të Shkupit.
Intervenimi është bërë në vendbanimin Serovë, ku janë ngritur dhe
transportuar përafërsisht 35 metra kub mbetje komunale të përziera, të
vëllimshme dhe ndërtimore të hedhura në sipërfaqe publike.
Gjatë vitit të kaluar, NP Higjiena Komunale – Shkup është përballur me
paraqitje të shpeshtë të të ashtuquajturave “pika të zeza” – lokacione
ku vazhdimisht hidhet mbetje në sipërfaqet publike dhe të trafikut. Për
këto arsye, Ndërmarrja zbatoi edhe kujdestari patrulluese intervenuese
të Eko-Patrullës e cila në periudhën janar-dhjetor të vitit 2024
përgatiti dhe shpërndau 334 procesverbale edukative dhe informative për
qytetarët dhe subjektet juridike që u kapën gjatë hedhjes së mbetjes në
mënyrë të paligjshme.