NP Higjiena Komunale largon 30 metra kub mbeturina nga deponitë e egra

Ekipet e NP Higjiena Komunale – Shkup, gjatë ditës së djeshme dhe
mbrëmjes së kaluar ngritën dhe transportuan 30 metra kub mbetje nga
deponitë e egra në komunat Gjorçe Petrov dhe Çair të Shkupit.
Kanë filluar aktivitetet për largimin e një sasie më të madhe të mbetjes
komunale të vëllimshme, të përziera dhe nga paketimet e kartonit të
hedhura në mënyrë të paligjshme në rrugën Lihnida në komunën Gjorçe
Petrov. Aktivitetet për pastrimin e këtij lokacioni do të vazhdojnë edhe
gjatë ditës së sotme.
Njëkohësisht janë pastruar edhe disa deponi të vogla të egra në rrugët
Cvetan Dimov dhe Xhon Kenedi në komunën Çair, ku janë ngritur
përafërsisht 20 metra kub mbetje ndërtimore dhe të vëllimshme të hedhura
në sipërfaqet publike dhe të trafikut.