Zjarret që kanë shpërthyer në Portugali kanë shkaktuar vdekjen e parë në Guarda, në lindje të vendit, njoftoi Presidenti i Republikës, Marcelo Rebelo de Sousa.
Ai shtoi se po ndërpret pushimet e tij dhe po kthehet për të monitoruar “situatën serioze të zjarreve në zonat rurale”.
Ish-kryetari i bashkisë, Carlos Damaso, ka vdekur pasi luftoi me një zjarr të egër në komunën e tij.
De Souza më vonë mori pjesë në një takim të Autoritetit Kombëtar të Emergjencave dhe Mbrojtjes Civile.
Një valë zjarresh ka përfshirë Portugalinë prej më shumë se tre javësh. Mijëra zjarrfikës po luftojnë me flakët në të gjithë vendin.
Qeveria ka aktivizuar gjithashtu Mekanizmin e Mbrojtjes Civile të Bashkimit Evropian, ashtu si Spanja fqinje, dhe ka kërkuar vendosjen e emergjencës 4 në vend deri më 18 gusht.
Pas zjarreve vdekjeprurëse në vitin 2017, të cilat lanë pas 119 të vdekur, Portugalia dhjetëfishoi investimet e saj në parandalim dhe dyfishoi buxhetin e saj për luftimin e zjarreve në pyje.
Vendi iberik ka arritur kështu të ulë sipërfaqen mesatare vjetore të djegur në periudhën 2018-2023 në 545,000 hektarë, një e treta e asaj që ishte në periudhën 2001-2017, sipas agjencisë qeveritare të menaxhimit të zjarreve në pyje (AGIF).
Megjithatë, zjarret që përfshinë Portugalinë për tre ditë në shtator 2024 e përmbysën këtë trend në rënie, me një sipërfaqe të djegur vjetore prej 1,380,000 hektarësh, katër herë më shumë se në vitin 2023.
Viti 2024 u shënua nga vdekja e 12 personave (nëntë zjarrfikës dhe tre civilë), numri më i madh i viktimave që nga viti i zi 2017.
