Një djalosh 17-vjeçar është goditur nga rryma sot pasdite teksa ishte ngjitur mbi një vagon cisternë në lagjen Kisella Vodë të Shkupit.
Nga policia bëjnë të ditur se pas ngjarjes vagoni ka marrë flakë dhe djali i cili ishte nga Volkova është transportuar në Qendrën Emergjente.
Nuk dihen shkaqet e aksidentit. Në të kaluarën ka pasur incidente të ngjashme me adoleshentët që kanë hipur mbi vagona, disa prej të cilave kanë përfunduar me pasoja fatale, pasi dyshohet se po filmonin videot e TikTok në vagonët e trenit.
