Erdhën për të shënuar nisjen e punimeve në Korridorin8.
”Për katër vite dhe shtatë muaj ne do të vozisim në autostradë” – tha Ejup Rustemi.
E pastaj edhe përplasjet politike. Fillimisht për heqjen e 20% nga Kushtetuta…
”Do të hiqet 20% kur ti vie koha” – tha Artan Grubi.
E më pas vazhdoi beteja Grubi kundër VMRO DPMNE-së.
”Imagjinoni, azilanti Nikolla Gruevski ka katër herë rejting më të madh se sa lideri aktual i VMRO DPMNE-së i cili në të gjitha anketat e fundit, minimumi 1/3 e votuesve të VMRO-së nuk e ka në përkrahjen e vet dhe janë kundër tij, kjo flet për nivelin në të cilin ka ra opozita maqedonase” – tha Grubi.
Ajo që binte në sy ishte edhe prezenca e sekretarit të BDI-së, Faton Ahmeti, i cili është edhe drejtor në Fondin për sigurim shëndetësor, resor që nuk ka lidhje me aktivitete ndërtimore.
”Kur ndodhi sulmi kibernetik tek institucioni që e drejtoni nuk ishit në punë. Sot jeni këtu në përurimin e fillimit të punimeve të Korridorit 8. Qysh e kuptoni ju keqpërdorimin e përdorimin e pozitës zyrtare nëse kjo nuk është keqpërdorim i detyrës zyrtare për shkak se po raportohet shumë në media… Ju jeni sekretar i partisë e cila po akuzohet se po keqpërdor resurse shtetërore për aktivitete të ndryshme. Unë sot marrë pjesë në lëshimit në përdorim të ambienteve të pediatrisë në kuadër të Spitalit të Gostivarit dhe rrugës për Gostivar shfrytëzova momentin që të ndalem në Tetovë që bashkë me Zëvendëskryeministrin e parë, Ministrin Boçvarski dhe drejtorin e rrugëve ti gëzohem këtij projekti” – tha Faton Ahmeti.
40 minuta jeni këtu. Këto 40 minuta unë ti paguaj si qytetarë zotëri?
”Unë kam të drejtë si qytetarë i Tetovës ti gëzohem këtij projekti”
Po si drejtor?
”Dhe të vazhdoj si drejtor me resurse private, nuk jam me resurse zyrtare”
Në orar pune jeni zotëri?
Me resurse private të vazhdoj në pediatrinë në Gostivar.
A do ti ktheni paratë këto 40 minuta që nuk keni punuar?
”Mendoj se e banalizoni. Banalizim është keqpërdorimi i detyrës zyrtare për juve”
Faton Ahmeti nuk kërkoi falje, e në emër të tij i detyruar të kërkoj falje ishte zëvendëskryeministri i parë, Artan Grubi.
”Në qoftë se ka pas ndonjë keqpërdorim kërkoj ndjesë, por vërtetë asnjë gjë e qëllimshme nuk është bërë sepse nuk kemi nevojë” – tha Grubi.
